Link açıqlığı

Aprelde mabüs qırımlı Aleksandr Kоlçenkoğa destek aftası keçecek


2015 senesi aprel 1-7 künleri dünyanıñ çeşit memleketlerinde Moskvada mahkeme etilgen qırımlı Aleksandr Kоlçenko ve diger siyasiy mabüslerge destek numayışları keçirilecek.

Bunı tevkifte bulunğan anarhistlerge yardım etken AÇK-Moskva cemaat teşkilâtında bildireler.

Mında qayd etilgeni kibi, aprelniñ ortasında Moskvanıñ Lefortovo mahkemesi Kоlçenkoğa qarşı nevbetteki qararnı alacaqtır.

«Taqiqat işleri çoqtan soñuna yetti, amma işni alâ daa mahkemege bermediler, çünki Qırım siyasiy mabüsleri reine olalar. «Er kesni» deñiştirmege söz berseler de, ukrain mabüslerni Rusiye territoriyasında apislerde ep tutmaqtalar. Vazifemiz – azat etilmesini talap etmek ve cinaiy taqiplerini toqtamtaqtır», – deyler mında.

Hatırlatamız, Qırımda faşizmge qarşı küreşken içtimaiy faal Aleksandr Kolçenko 2014 senesi mayıs ayında Aqmescitte apiske alınğan edi. Onı Moskvadaki «Lefortovo» SİZOsına yolladılar. FSB taqiqatçıları onı, ve Qırımnıñ daa üç sakinini, şu cümleden ukrain rejissöri Oleg Sentsov, tarihçı Aleksey Çirniy ve adliyeci Gennadiy Afanasyevni terroristik areketler, terakt azırlanması ve silâ ile qanunsız qullanuvda qabaatlaylar.

Moskvanıñ Lefortovo rayon mahkemesi 2014 senesi dekabr 25-te qırımlınıñ apis cezasını 2015 senesi aprel 16-na qadar arttırdı.

Kolçenko özüni Ukraina vatandaşı olaraq tanıtsa da, taqiqat onıñ Rusiye vatandaşlığı aqqında aytmağa devam ete

XS
SM
MD
LG