Link açıqlığı

Saatnıñ esas haberi

Yatsenük: ukrain Qırımnıñ arbiy hırsızlavı içün Rusiyeni mahkeme etecekmiz


Ukraina Qırım içün Rusiye ile halqara mahkemelerde davalaşacaq.

Bunı Ukraina baş naziri Arseniy Yatsenük bildirdi.

«İnsan aqları boyunca Avropa mahmesinde Qırımnıñ qanunsız işğalinden olğan zarar boyunca Rusiyege qarşı mahkeme ketişatlarına başladıq. Terrorizm ile küreş aqqında halqara añlaşmanı bozğan Rusiyege nisbeten mahkeme ketişatına başladıq. Rusiyeni Ukrainağa qarşı istilâsı, halqara uquqnıñ bozuluvı, ukrain Qırımnıñ arbiy hırsızlavı içün mahkeme etecekmiz… Gaaga mahkemesinde ketişatqa başlaymız ve Adliye nazirligi delillerni toplamaq içün mütenasip avaleni aldı», – dedi o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG