Link açıqlığı

Qırımnıñ cemaat palatası Rusiye prezidenti Vladimir Putinge, Qırımda prezidentniñ temsilcisi Oleg Belaventsev, Qırımnıñ şimdiki başı Sergey Aksönovğa ve Devlet şurası reisi Vladimir Konstantinovğa «Qırım cumhuriyetiniñ itibarlı vatandaşı» unvanını bermek teklifi ile buyurdı. Krıminform bildirgeni kibi, bu kibi muracaat Qırım Devlet Şurasına berildi.

Neşirniñ malümatına köre, Qırım içün yañı unvannıñ berilmesi aqta teklif Qırım cemaat palatasınıñ reisi Grigoriy İoffeden çıqtı.

İoffeniñ aytqanı kibi, böyle teşebbüs cemaat institutından olmaq kerek.

«Cemaat palatasınıñ azası Andrey Malgin Vladimr Putinge itibarlı unvanınıñ berilmesi ile bağlı mesele baqılamı, dep meraqlanğan edi. Ufaq muzakereden soñ bu teklif alğışlanıldı», – denile messacta.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG