Qırımnıñ şimdiki başı Sergey Aksönov de Devlet şurası reisi Vladimir Konstantinov Qırım akimiyetine nisbeten olğan sanktsiyalar lâğu etilse bile, çetelge barmaycağını bildirdiler. Bunı Konstantinov cumaaqşamı, mart 12 künü, bildirdi, – haber ete TASS.
«Yarın menden ve Sergey Valeryeviçten cezalarnı alsalar da, anda episi bir barmamız. Anda bir şey deñişmek kerek. Qırımlılar ögünde aşalavları içün afu soramaq içün Qırımnıñ bütün tarihını ögrenmek kerekler», – dedi o.
Sergey Aksönov AQŞ ve Avropa birliginiñ Qırım siyasetçilerine nisbeten olğan sanktsiyalarını «manasız» olaraq adladı.
AQŞ, Kanada ve Avropa birligi memleketleriniñ sanktsiyalarına 19 qırımlı kirdi, şu cümleden Qırım başı Sergey Aksönov ve Delvet Şurası reisi Vladimir Konstantinov, Qırım saylav komitetiniñ başı Mihail Malışev, senatorlar Olga Kоvitidi ve Sergey Tsekov, em de prokuror Natalya Poklonskaya.
