Link açıqlığı

Qırımnı işğalden soñ «parlaq kelecek» bekley. Cumaaqşamı künü, mart 12-de, «Rossiya segodnâ» haber agentliginiñ baş müdiri Dmitriy Kisеlöv aytqanı kibi, bu kelecek Keriç boğazından köpürniñ qurucılığından bir qaç yıldan soñ kelir, – haber ete RİA Novosti.

«Köpür, yolnı qurarlar, kabellerni qoyarlar. Menimce, bir-eki-üç yıl keçse, er şey deñişir. Endi er şey deñişmekte», – dedi o.

Kisеlövniñ aytqanı kibi, Qırım şimdi «aqsız yiberileberilgen alda»dır.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG