Link açıqlığı

Yaponiya sabıq baş naziri: vatanımda problemler olsa, Qırımda qalırım


Yaponiya sabıq baş naziri Yukio Hatoyama Qırım yarımadasını ziyaret etkeninden Yaponiyada problemleri olsa, Qırımda qalmağa azır olğanını bildirdi. Bunı Hatoyama cumaaqşamı, mart 12 künü, bildirdi, – haber ete RİA Novosti.

Onıñ sözlerine köre, bu kibi teklif Qırımda Rusiye prezidentiniñ daimiy temsilcisi Oleg Belaventsevden kelgen edi.

«Qırım akimiyetine minnetdarım, şu cumlden, yarımadada qalmaqnı teklif etken Belaventsevge teşekkürlerimni bildirem. Mende vatanımda ya pasportım ile problemlerim olsa, Belaventsevniñ teklifi üzerinde tüşünirim», – dedi Hatoyama.

Reuters bildirgeni kibi, Yaponiya sabıq baş naziri Yukio Hatoyama, Vatanında Qırım işğali tanılmağanına baqmadan, Qırımda üç künlük ziyareti ile buluna.

Yaponiya sabıq baş naziri Yukio Hatoyama, Yaponiya ükümetiniñ talabına baqmadan, salı künü mart 10-da Qırımğa keldi.

Bundan evel Hatoyamanıñ Qırım ziyaretini Yaponiya Tış işler nazirligi de takbih etti.

XS
SM
MD
LG