Link açıqlığı

Uquq qorçalayıcılar «fevral 26 işi» çerçivesinde qırımtatarlarğa basqı quvetleşecegini bekleyler


İnsan aqları Qırım alan missiyası bildire ki, Qırımda «fevral 26 işi» boyunca yaqalav ve aps cezaları siyasiy basqınıñ neticesi ola.

«Fevral 26 işi» «uquqiy taraftan sebepsiz ve siyasetnen bağlıdır. «Mayıs 3 işi» kibi bu iş Qırım akimiyeti ile razı olmağanlarnı taqip etmege imkân bere», – dep bildire uquq qorçalayıcı teşkilât.

Qayd etile ki, Qırımda Rusiye Taqiqat komiteti 2014 senesi fevral 26-da olıp keçken mitingde adamlarnıñ elâk olmasınen bağlı cinaiy iş açtı. Aynı vaqıtta zarar körgenler yoq, Rusiye organlarına bir kimse muracaat etmegen edi.

«Taqiqat komiteti qayd etken numayışlarda devlet zarar kördi, lâkin şimdi o başqa (2014 senesi fevral 26-da başqa edi). Bundan sebep, bu işte Rusiye Federatsiyasınıñ menfaatlarına nasıl etip zarar ketirildi belli degil, çünki çatışmalar Ukrainada yüz bergen edi», – dep qayd ete QAM.

Qırım alan missiyasınıñ reis muavini Dmitriy Makarovnıñ fikirince, yarımadada bu iş boyunca yalıñız bir tarafnıñ temsilcileri mesülietke çekilse, demek ki, iş «dos-doğru qırımtatarlarğa qarşı» açıldı.

Onıñ qayd etkenine köre, iş boyunca birinci olaraq «Qırımda qalğan Meclisniñ eñ yüksek azası» yaqalandı.

«Böylece, bunı bir işaret olaraq añlatmaq mümkün, qırımtatarlarğa basqı toqtatılmadı, aksine, quvetleştirilecek», – dep tüşüne uquq qorçalayıcı.

Rusiye Taqiqat komiteti yanvar 29-da yaqalanğan Qırımtatar Milliy Meclisiniñ reis muavini Ahtem Çiygozğa qarşı cinaiy iş açtı. Onı keçken sene Qırım parlamentiniñ binası yanında kütleviy numayışlarnıñ teşkil etmesinde şekleyler.

Bundan soñra bir sıra qırımtatarını yaqaladılar. Mart 11-de Talât Yunusovnı yaqalap, eki kündir sorğuğa çekeler.

2014 senesi fevral 26-da Qırım parlamenti yanında Qırımnıñ Ukrainadan ayırılmasınıñ tarafdarları ve qarşı çıqqanlarnıñ büyük bir mitingi olıp keçken edi. Qırımnıñ Ukraina terkibinde qalmasına qoltutqan qırımtatarlar, Meclis vekilleri ve Ukrainağa qoltutqan faaller al-azırda Qırım ükümetiniñ reisi olğan Sergey Aksenovnıñ yolbaşçılığında «Rus birligi» («Russkoye yedinstvo») liderleri teşkil etken Rusiyege qoltutqan faallerge qarşı çıqtılar.

XS
SM
MD
LG