Link açıqlığı

Qırımda işğalniñ yıllığına bağışlanğan «Qırım baari» fotoresimler defterini taqdim ettiler


Qırım akimiyeti çarşenbe künü, mart 11-de, Qırım işğaliniñ yıllığına bağışlanğan fotoresimler albomını taqdim etti. Merasimni Qırımnıñ içki siyaset, malümat ve alâqalar naziri Dmitriy Polonskiy keçirdi.

Onıñ aytqanına köre, kitapta «2014 senesi fevral 23-te başlağan ve yıl boyunca devam etken vaqialarnıñ müitini aks ettirgen fotoresimler» mevcut.

Qırım ükümetiniñ matbuat hızmeti bildire ki, fotoresimler cıyıntığını Qırımnıñ içki siyaset, malümat ve alâqalar nazirligi azırladı. Kitapta yalıñız fotoressamlarnıñ ve matbuat hızmetleriniñ işleri degil, qırımlılar yollağan fotoresimler de bar.

1000 nushada çıqqan kitap satılmaycaq. Yarımada akimiyeti olarnıñ bir qısmını kütüphanelerge yollamağa vade ete.

«Kitap Cumhuriyetniñ içtimaiy ceetten müim olğan yerlerde tarqatılacaq, şu cümleden kütüphanelerde de», – dep qayd etti Dmitriy Polonskiy.

Onıñ aytqanına köre, yaqın vaqıtta kitapnıñ qoşma nushaları bastırıla bile.

XS
SM
MD
LG