Ukrainanıñ «Ukrzaliznıtsâ» demir yol müessisesi Qırım yolunda trenler qatnamasını ğayrıdan tiklemeycek.
Bunı müessiseniñ matbuat hızmeti Qırım.Aqiqatqa bildirdi.
«Bizler Qırım ile alâqalarnıñ tiklenmesi aqqında malümatnı tasdıqlamayıq. Şimdilik böyle bir haber yoq», – dep bildirdi matbuat hızmeti.
Kurort mevsimi yaqınlaşqanınen Ukraina trenleriniñ Qırımğa qatnaması içtimaiy ağlarda faal muzakere etilip başladı.
Dekabr 27-den itibaren «Ukrzaliznıtsâ» vatandaşlarnıñ havfsızlığını tüşünip, Qırım ile demir yıl alâqalarını toqtattı. Qırım trenleri Novoalekseyevka ve Hersonğa qadar qatnaylar.
