Qırımda yaqalanğan Euromaydan faali Aleksandr Kostenkonıñ mart 4-te ğayıp olğan babası 6 kündir bağğa çıqmay.
Bunı İnsan aqları Qırım alan missiyasına Aleksandr Kostenkonıñ adliyecisi Dmitriy Sotnikov bildirdi.
Keçken afta er kişi Kiyevde matbuat vastalarına izaatlar berip, Qırımğa qaytmaq kerek edi. Al-azırda soy-sopları onıñnen bağlanıp olamaylar, ve Aleksandr Kostenkoğa basqı yapmaq içün babasını esir ala bileler, der qorqalar.
İnsan aqları Kırım alan missiyasınıñ malümatına köre, Aleksandr Kostenkonıñ babası Kiyevde edi. Lâkin ekinci oğlu Yevgeniy telefon etip, FSB (Federal havfsızlıq hızmeti) hadimleri olarnıñ Aqmescit dairesinde kene tintüv keçirgenlerini bildirgen soñ, o, birden Qırımğa qaytmağa mecbur oldı.
Çarşenbe künü, mart 4-te, o, Yevgeniyge Qırımğa yol alğanını bildirdi ve bundan soñ onıñnen bağ yoq.
Malüm olğanı kibi, Qırım Euvromaydanınıñ faali Aleksandr Kostenko Qırımda fevral 8-de yaqalanğan edi. Onı Rusiye Cinaiy kodeksi 115-inci maddesiniñ 2-nci qısmı «b» noqtasınıñ cinayetinde («siyasiy, milliy ve diniy nefret ya da dava sebebinden sağlıqqa ketirilgen zarar») qabaatlaylar.
Aleksand Aqmescit SİZOsında buluna. O, onı qıynağanlarını bildire.
