Qırım işğaliniñ yıllığına yerli akimiyet salı künü, mart 10-da, «Qırımnıñ Rusiyege qaytarıluvına» bağışlanğan kartlarnı mahsus belgiledi.
Qırım.Aqiqat mühbiri aytqanı kibi, tedbirge Rusiye alâqa ve kütleviy kommunikatsiya naziriniñ muavini Aleksey Volin ve Qırım baş nazir muavini Dmitriy Polonskiy qoşuldılar.
«Qırım ve Rusiye boyunca Qırım baarine bağışlanğan tedbirler keçirilgeni sebebinden kart çıqarıldı… Ümüt etemiz ki, bu kibi kartlar tek filatelistler içün degil de, adiy qırımlılar içün de ğurur ve yañı ayat hatırlatuvı olur», – dedi Volin.
Kart tirajı 18 biñ nusha oldı. Kartlarnı mart 10-dan poçta bağı bölüklerinde satın almaq mümkün.
