Link açıqlığı

Ukraina prezidentiniñ qırımtatar halqınıñ işlerinden vekâletlisiniñ faaliyeti boyunca bölük 2014 senesi Rusiye tarafından işğal etilgen yarımadada yaşağan qırımtatarlarnıñ şimdiki vaziyeti aqqında maruzanı taqdim etecek.

Matbuat hızmetinde bildirilgeni kibi, «Qırımtatar halqı 2015 senesi başında» malümat kâğıtı Ukraina devletiniñ ayırılmaz qısmı olğan qırımtatarlar, olarnıñ aq ve qanuniy statusı aqqında tarif ete, bunıñ ile Rusiye işğalinde qalğan Ukraina tamır halqınıñ vaziyetine qıymet kese.

İşbu maruzada qırımtatarlarğa nisbeten etilgen akimiyetniñ aq bozuluvları ve ayırımı aqqında aytıla.

Maruzanı mart 12 künü saat 12:00 Ukrain buhraniy media-merkezinde taqdim etecekler.

Evel Qırımtatar Milliy Meclisi Refat Çubarov qırımtatarlarnıñ vaziyeti Avropa parlamentinde muzakere etilecegi aqqında bildirgen edi.

Uquq qoruyıcılar aytqanı kibi, Rusiyeniñ Qırımğa kelmesinen qırımtatarlarğa qarşı basqı başlandı. Soñki vaqialar arasında – 2015 senesi fevral ayında yüz bergen yaqalanuvlar. Bundan sebep 10 biñge yaqın insan qıtaiy Ukrainağa çıqmaq zorunda qaldı.

XS
SM
MD
LG