Tatar faali ve cemaat erbabı Nafis Kaşapov Poloniyada siyasiy sığınaqnı aldı.
Bunı Qırım.Aqiqat saytına «Açıq dialog» fondunda bildirdiler.
Nafis Kaşapov, Tataristan qaçağı, 2014 senesinden qardaşı Rafisniñ azat etilmesini talap ete. Rafisni dekabr ayında «devletke qarşı faaliyet etüv»de qabaatlaр, yaqaladılar. Qardaşınıñ azat etilmesi boyunca böyle aktsiyalardan birini Nafis Varşavada keçirgen edi, mında oña faal sürette qol tutqan ediler.
Qardaşı Rafis Kaşapov – Rusiye Federatsiyasınıñ cumhuriyeti sayılğan Tataristanda azatlıq areketiniñ yetekçisidir. Faaliyeti devamında onı ep Rusiye akimiyeti taqip ete edi, türmege qapala, ruhiy hastaları içün klinikalarda tutıla edi.
Tatar faalleri Nafis ve Rafis Rusiye istilâsınıñ başlanması ile Ukrainağa qol tuta ve Qırım işğaline qarşı çıqa ediler. Türk halqları yaşağan memleketlerde birdemlik aktsiyalarını keçire ediler.
