Ukraina tış işler naziri Pavlo Klimkin mart 9 künü işğal etilgen Qırımda Taras Şevçenkonıñ 201 yıllığına bağışlanğan aktsiya vaqtında faallerniñ yaqlanuvını izaatladı.
«XIX asırda olğanı kibi, XXI asırda da Kobzar Rusiye devlet telükesizligine havflıdır», – dep yazdı o twitterde.
Mart 9 künü faalerni – Leonid Kuzmin, Aleksandr Kravçenko ve Vilidar Şukurciyevni politsiya hadimleri yaqaladı, olarnıñ sözlerine köre, sebep – mitingde ukrain timsalleriniñ olmasıdır.
Faallerni bölükte üç buçuq saat tutıp, yolladılar. Miting teşkilâtçısı Leonid Kuzminni Rusiye Federatsiyasınıñ memuriy bozuluvlar aqqında Kodeksiniñ 20-maddesi boyunca qabaatlaylar – toplaşuv, miting, numayış, yürüşniñ belgilengen nizamınıñ bozuluvı.
Mart 10 künü Aqmescitte saat 11:00 faallerni makeme etmege başladılar. Cemaatçı ve matbuat vastalarınıñ vekillerini toplaşuvğa kirsetmediler.
