Qırımtatar Milliy Meclisiniñ reisi Refat Çubarov Strasbourgğa yol aldı. Eki kün devamında Avropa parlamentinde Avropa Birliginiñ Ukraina ile işbirligi, em de qırımtatarlarnıñ vaziyeti muzakere etilecek. Bunı o Facebook saifesinde yazdı.
Onıñ aytqanına köre, Avropa parlamentinde Avropa islâatçıları ve konservatorları gruppalarınıñ reberleri ve azaları ile körüşüvlerniñ keçirilmesi beklenile.
«Rusiye istilâsı şaraitlerinde Avropa Birliginiñ Ukraina ile işbirligini muzakere etecekmiz... Aynı vaqıtta, Qırım ve qırımtatarlarğa – diqqat ayırılacaq », – dep yazdı o.
Uquq qorçalayıcılarnıñ qayd etkenine köre, Rusiye Qırımğa kelgeninden berli qırımtatar halqına qarşı basqı devam etmekte. Soñki vaqialardan – 2015 senesi fevral ayında keçken sene keçirilgen narazılıq aktsiyası iştirakçileriniñ apske alınmasıdır. Bunıñ kibi basqıdan sebep tahminen 10 000 biñ kişi qıtaiy Ukrainağa ketmege mecbur oldı.
