Link açıqlığı

Aqmescitte Şevçenkonıñ hatırasına keçirilgen miting iştirakçileriniñ mahkemesine matbuat vastaları ve cemaat vekillerini kirsetmediler


Miting iştirakçileriniñ yaqalanması

Mart 9-da Aqmescitte ukrain şairi Taras Şevçenkonıñ hatırasına keçirilgen aktsiyada yaqanlanğan faallerniñ mahkemesine jurnalist ve cemaat vekillerini almaylar.

Qırım.Aqiqat mühbiri bildire ki, politsiya hadimleri mahkemeniñ böyle bir qararı olmağanını aytalar.

«Onsız bizler sizni almaycaqmız», – dep ayttılar politsiya hadimleri.

Aqmescitniñ Demir yol rayon mahkemesiniñ binası yanında onğa yaqın faal, Qırım ve çetel kütleviy haber vastaları toplaştılar, Qırımtatar Milliy Qurultayınıñ Merkeziy saylav komissiyasınıñ reisi Zair Smedlâyev de bar.

Aqmescit mitingi iştirakçileriniñ mahkemesi mart 9-da yerli saatke köre saat 11-de başlanmaq kerek edi.

Mart 9-da faaller Leonid Kuzmin, Aleksandr Kravçenko ve Vilidar Şukurciyev Ukraina timsallerini qullanğanlarından sebep politsiya hadimleri tarafından yaqalandı.

Faallerni üç buçuq saat devamında politsiya bölüginde tutıp azat ettiler. Politsiya hadimleri miting teşkilâtçısı Leonid Kuzminni Rusiye Federatsiyansınıñ Memuriy bozuvlar aqqında Kodeksiniñ 20-nci maddesine köre mesüliyetke çekecek olalar – nizamnı bozuv ya da toplaşuv, miting, numayış, yürüş ya da piket ötkerilmesi.

XS
SM
MD
LG