Link açıqlığı

«Krımskaya pravda» neşiri saytında Qırım statusı aqqında keçirilgen sorav neticelerini provokatsiya dep adladı


Rusiyeniñ yarımada işğaline qoltutqan «Krımskaya pravda» neşiri saytında keçirilgen sorav neticeleriniñ qalplığı aqqında bildire. Soravnıñ suali: «Bugün bütün Qırım referendumınıñ suallerine nasıl cevap berir ediñiz?».

Muarririyetniñ resmiy beyanatında aytıla ki, «Krımskaya pravda» neşiriniñ saytı DdoS-ücümine oğradı, onıñ neticesinde neşirniñ internet versiyasını açmaq zor oldı.

«Areketlerniñ ardı-sıra olğanına köre, mında ukrain internet neşirlerniñ evelden azırlağan ve planlaştırılğan provokatsiya aqqında laf kete. Onıñ maqsadı belli – qırımlılarnıñ çoqusı 2014 senesi mart 16-da keçirilgen referendumda şübelengenini köstermektir. Asılında bunıñ kerçek ile iç bir alâqası yoq. Neşirniñ qırımlılar arasında elektron poçta, telefon vastası ile keçirilgen işbu soravnıñ neticeleri bam-başqa oldı», – dep izaatladı sorav neticelerini gazetanıñ baş muarriri Mihail Baharev.

Neşir qayd ete ki, haker ücümi devam etmekte. Bundan sebep sayt muarririyeti soravnıñ neticelerini lâğu etmege qarar berdi.

«Krımskaya pravda» «Siz umumqırım referendumınıñ suallerine bugün nasıl cevap berir ediñiz?» sualini bergen edi. Rey bergenlerniñ 61% «Qırımnıñ Ukraina terkibinde keñ vekâletlerini» saylaycağını bildirdi. Mart 9 künü saat 8:00-ge qadar 4510 insan sevap berdi. Rusiyege 19% qoşulır edi, daa 20% «referendumğa kelmez edi».

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG