Link açıqlığı

Bazarertesi künü aqşam, mart 9-da, işçiler Aqmescitniñ merkeziy meydanındaki qoranı alıp, yañartılğan abideden brezentni alıp taşladılar.

Qırım.Aqiqat mühbiri bildire ki, işçiler eki afta devam etken işlerni bitirdiler. Abideni boyaladılar ve eykel yanındaki tamir işlerini yekünlediler. Artıq Lenin eykeliniñ tunç renki bar.

Şimdi meydanda soñki abadanlaştıruv işleri yapılmaqta, «Yug» qurucılıq şirketiniñ hadimleri deyler ki, olarnı mart 12-ge qadar bitirmege planlaştırıla.

Qırım ükümetiniñ malümatına köre, meydanda yarımada işğaliniñ yıllığına bağışlanğan bir sıra tedbir keçirilecek.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

Ukrainada Qırımdan köçip kelgen adamlarnıñ teşebbüsi ile Qırım işğaline qarşı informatsion kampaniya başlandı. Onıñ çerçivesinde fotosergi, brifing, telemarafon, konferentsiyalarnıñ keçirilmesi planlaştırıla. Qırım işğaliniñ yıllığı ile bağlı tedbirler mart 15-ke qadar devam etecek.

XS
SM
MD
LG