Link açıqlığı

Ukraina jurnalistleri teşkilâtçılar Fritt Ord Foundation ve the ZEIT Foundation bergen mukâfatqa nail oldılar. Sabıq sovetler birliginiñ memleketleri arasında berilgen mukâfatnı Slidstvo.Info taqımı, Qırım jurnalisti Valentina Samar ve Donetsk jurnalisti Sergey Garmaş qazandılar.

«Şimdi jurnalist, blogger ve medialar Ukraina ve Rusiyede ğayet qıyın şaraitlerde çalışalar, şu cümleden memleketler arasında olğan nefretten sebep. Ukraina zıddiyeti aqqında resmiy haberlerni aselet yañlış yetkizeler», – dep qayd etti jüri azası Martin Polson.

Ukrainlerden ğayrı mukâfatnı «Pskovskaya güberniy» Rusiye gazetasınıñ muarriri Galina Timçenko (gazeta Donbassta elâk olğan Rusiye askerleri aqqında yazğan edi) ve Netgazeti Gürcistan neşiri aldılar.

Fritt Ord Foundation saytında berilgen beyanatta aytıla ki, 75 biñ euro miqdarında mukâfat iyün 24-te Osloda berilecektir.

XS
SM
MD
LG