Salı künü, mart 10-da, Ukraina Nazirler Şurasınıñ Kâtibiyet klubında «Qırım işğaliniñ yıllığı. Neler yapıldı?» adlı tögerek masa ötkerilecek. Bunı tedbir teşkilâtçıları – Qırımdan köçip kelgenlerniñ cemaat teşkilâtlarınıñ koordinatsion şurası Qırım.Aqiqatqa bildirdi.
«Tögerek masağa akimiyetniñ qanun çıqarıcı ve icra organları, em de Qırım cemaat teşkilâtları ve yarımada işğalinden sebep evlerini terk etmege mecbur olğan adiy qırımlılar davet etildi», – dep ayttılar teşkilâtçılar.
Tögerek masada Qırımda nezaret tiklenmesi içün nevbetteki adımlar, vaqtınca işğal etilgen topraqlardan köçip kelgen ve işğal etilgen Qırımda yaşağan Ukraina vatandaşlarınıñ anayasa aqqları ve serbestliklerini temin etüv meselesi muzakere etilecek.
