Aqmescit merkezinde Taras Şevçenko abidesine çeçeklerni ketireler. Sarı-mavı şeritnen baylanğan gülçemberler ile «Kobzar»niñ fotosı saba mart 9-da Facebook ağında aşkâr etildi.
Mart 9 künü Ukraina ve dünya boyunca ukrain diasporası «Kobzar» – ukrain şair ve ressamı Taras Şevçenkonıñ 201 yıllığını qayd eteler. Ukraina medeniyetiniñ timsali olğan şair icadınıñ mühlisleri Şevçenko abidelerine gülçemberlerni ketirecek, icadına bağışlanğan konferentsiya, tögerek masa ve edebiy aqşamlarda iştirak etecekler.
Qırımda Aqmescitte yerleşken Taras Şevçenkonıñ abidesi yanında 2014 senesi faaller cenkke qarşı narazılıq numayışlarını keçire ediler.
