Link açıqlığı

Mart 9 künü Ukraina ve dünya boyunca ukrain diasporası «Kobzar» – ukrain şair ve ressamı Taras Şevçenkonıñ 201 yıllığını qayd eteler. Ukraina medeniyetiniñ timsali olğan şair icadınıñ mühlisleri Şevçenko abidelerine gülçemberlerni ketirecek, icadına bağışlanğan konferentsiya, tögerek masa ve edebiy aqşamlarda iştirak etecekler.

Saat 6-dan Milliy radioda ukrainliler, akimiyet vekilleri, cemaatçılar, arbiyler tarafından oqulğan şiirleriniñ marafonı başlandı.

Şu künü edebiyat saasında Taras Şevçenko adına mukâfat berilecektir.

Radіo Svoboda «Kobzar»ge bazarertesi künü saat 17:00 «Kültfront» programmasınıñ birinci çıqışını bağışlaycaq.

Mart 6 künü Dnepropetrovskta, Bediiy müzeyinde bir resimniñ sergisi açıldı. Mahsus Şevçenkonıñ yubileyine müzey hadimleri Taras Şevçenkonıñ Mihail Sajin ile yazılğan – «Kiyev universiteti» (1846 senesi) unikal resimini taqdim eteler.

Qırımda Aqmescitte yerleşken Taras Şevçenkonıñ abidesi yanında 2014 senesi faaller cenkke qarşı narazılıq numayışlarını keçire ediler.

XS
SM
MD
LG