Link açıqlığı

Qırımlılаrnıñ çoqusı Ukrainağa qaytmağa ister edi – sorav


Akimiyet tarafdarı olğan «Krımskaya pravda» gazetasında Qırım referendumı aqqında sorav, 2015 senesi mart 9 künü

Akimiyet tarafdarı olğan «Krımskaya pravda» gazetası saytındaki soravda qırımlılar Qırım referendumında neni saylar edi degen sualge respondentlerniñ 61% «Qırımnıñ Ukraina terkibinde keñ vekâletlerini» saylaycağını bildirdi.

2015 senesi mart 5-ye aşkâr etilgen «Siz umumqırım referendumınıñ suallerine bugün nasıl cevap berir ediñiz?» sualine mart 9 künü saat 8:00-ge qadar 4510 insan сеvap berdi. Rusiyege 19% qoşulır edi, daa 20% «referendumğa kelmez edi».

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG