Link açıqlığı

Meclis reisi Refat Çubarov Qırım Devlet Şurasınıñ spiker muavini Remzi İlyasovnıñ aytqanına seslendi. Soñkisi aman-aman bir buçuq yıldan soñ Refat Çubarovnıñ Meclis reisi vazifesini eda etüv qanunsızlığı aqqında bildire.

Hatırlatamız, İlyasovnıñ yardımcısı aşkâr etken izaatta spiker muavini «evel nasıldır bir qarar alacaq Qurultay vekillerine firqalar terkibinde qayd etilmegen deputatlar tarafından basqı kösterilgenini» bildirdi. «Aqiqatta ise bu gizli şekilde yapıldı, sanki halq menfaatında olğanı kibi», – dedi İlyasov. Onıñ sözlerine köre, 2013 senesi Qırımtatar Milliy Meclis reisini saylağan deputatlar bundan emin oldılar.

Cevap olaraq Çubarov VI çağıruv Qırımtatar Milliy Qurultayınıñ ilerilemesi canlı yayında kösterilgenini qayd etti. «Demek, yalıñız Qurultay vekilleri ve musafirleri degil de, Qurultay işini közetken bütün vatandaşlarımız vekillerniñ, şu cümleden Meclis reisi vazifesine namzetlerniñ çıqışlarına qıymet kese bile edi», – yazdı Çubarov öz Facebook saifesinde.

«Ebet, bir yıldan soñ Qurultay toplaşuvınıñ ketişatına yañı qıymet kesmek İlyasovnıñ aqqıdır, şu cümleden «Çubarov raqibiniñ qırımtatar halqınıñ meselelerini çezmek içün akimiyet ile dialog qurmaq niyetini takbih etkenini» de ayta bile», – dedi Meclis reisi.

Amma böyle alda, Çubarovnıñ fikrine köre, «böyle bir sual peyda ola, yani İlyasov ne vaqıt samimiy edi – hayırlap, qolunı uzatqanda, ya da bugün, işğalci akimiyetke öz riayetkârlığını köstergende».

O şunı da hatırlattı ki, Meclis reisi olğanından soñ matbuat konferentsiyasında şöyle degen edi: «Toprağımızğa qayttıq, amma 22 sene devamında Ukraina qanunlarında belgilengen muayyen uquqiy perspektivalarımız peyda olmadı. Dialognı qurıp, adım-adım mütenasip qanunlarnıñ qabul etilmesine ketmek kerek», em de – «Qırım sakinleriniñ menfaatında olacaq munasebetlerni qurmalımız. Soñki seneleri böyle dialognıñ olmaması sır degil. Qırımtatar temsiliy organını körmemezlikke urğan ve ayırı qırımtatarlar ile bağ qurmağa areket etken memurlar Qırım akimiyetine fayda ketirmedi ve vaziyetni eyileştirmediler, bundan da ğayrı, qırımtatarlarğa iç bir fayda olmadı».

Belli olğanı kibi, 2013 senesi oktâbr ayında Qurultay sessiyasında Remzi İlyasov Meclis reisi vazifesini Refat Çubarovğa yutturdı.

Şimdi Remzi İlyasov Meclis ve Qurultay toplaşuvını çağırıp, qırımtatar temsiliy organınıñ yañı yolbaşçısını saylamağa istey.

Rusiye akimiyeti Mustafa Cemilev ve Refat Çubarovğa Qırım kirişini beş yılğa yasaq etti.

.

XS
SM
MD
LG