Link açıqlığı

Ukraina futbol federatsiyasınıñ (FFU) yañı saylanğan prezident muavini, cumhuriyetniñ sabıq baş naziri ve Qırım futbol federatsiyası, em de Aqmescitniñ «Tavriya» taqımınıñ sabıq prezidenti Sergey Kunitsın yarımadada bala ve gençlerniñ futbolını inkişaf ettirecek.

Bunı Kunitsın «Futbol 1» telekanalına bildirdi.

«Men, «Tavriya» ve Qırım federatsiyasını idare etken adam olaraq UEFA ile beraber Qırımda bala ve gençler futbolınıñ inkişafınen oğraşacam. Balalar qabaatlı degil, olarnıñ siyasetnen alâqaları yoq, olar zarar körmemek kerekler. Balalar futbol oynamaq kerekler», – dep qayd etti Kunitsın.

«Mence, bizler vaziyetni yavaş-yavaş eyiliştirecekmiz», – dedi o.

Hatırlatamız, Avropa futbol birlikleriniñ ittifaq komissiyası (UEFA) Qırımda eki futbol yarışını keçirmege teklif etti – gençler ve büyükler arasında. Faqat bu yarışnıñ ğalipleri UEFAnıñ mahsus qararı olmasa, Avropa kupalarında iştirak etip olamazlar.

XS
SM
MD
LG