Link açıqlığı

Saatnıñ esas haberi

Akimiyet Qırım plâjlarına kiriş kâğıtları olğan adamlarnı kirsetecek ola. Bazı plâjlarda kiriş sıñırlı olacaq, yerli sakinler içün «qırımlı kartını» yapmağa vade eteler. Bunı cuma künü, mart 6-da, kurort ve turizm naziri Yelena Yürçenko bildirdi, – dep haber ete «Novosti Krıma».

Onıñ aytqanına köre, yañılıqnı bu sene yazda işletmege planlaştıralar. Nazirniñ bildirgenine köre, «Qırım plâjlarınıñ mesüliyetsiz saipleri quvulacaq».

«Bizler plâj meselesiniñ bütün inceliklerini añlaymız: qayda, kimniñ, nasıl bir plâj, icarege berilemi ya da bir de bir obyektke kire. Plâj saipleri semereli çalışsa, bizler añlaşmanı uzatacaqmız. Mesüliyetsiz saipler ile añlaşmalar tizilmeycek», – dep qayd etti Yürçenko.

Yelena Yürçenkonıñ qayd etkenine köre, 2015 senesinden itibaren yarımadanınıñ bütün plâjlarını sıñırlı kiriş ve sıñırsız kiriş kategoriyalarına bölecekler. «4» ve «5» yıldızlı plâjlarnıñ kirişi sıñırlanacaq, – dedi o.

Malüm ki, Qırımda özen, deñiz ve göllerniñ kenarlarında maşinanı park etken ve maşinanen ketkenlerni cezalamağa başladılar.

XS
SM
MD
LG