Link açıqlığı

Ukraina milliy teleradiokompaniyası Qırım içün telekanalnıñ açılmasını tüşüne


Ukraina Milliy teleradiokompaniyasınıñ yolbaşçısı Zurab Alasaniya

Ukraina Qırımda yayınlaycaq telekanalnı açacaq, telekanal muarririyeti Hersonda çalışacaqtır. Bunı Ukraina Milliy teleradiokompaniyasınıñ yolbaşçısı Zurab Alasaniya bildirdi, – dep haber ete «Tsentr jurnalistskih rassledovaniy».

Onıñ aytqanına köre, bu leyha Ukrainada başlaycaq cemaat yayını çerçivesinde kerçekleştirilecektir. İşbu telekanal qırımtatar ve ukrain muarririyetlerini birleştirip, sputnik vastasınen yarımadada yayınlamaq kerek.

«Bizler raqamlarnı aytsaq, Hersonda bar olğanğa esaslanıp, daa 5-6 million grivna sarf etmek mümkün – ğayrıdan çalıştırmaq, şeklini deñiştirmek, adamlarnı toplamaq. Bir yılda buña tahminen 2,5 – 3 grivna million ketecek», – dedi o.

Ukraina Milliy teleradiokompaniyasınıñ yolbaşçısı belli bir vaqıt aqqında aytmadı.

Bugünde-bugün qırımlılarnıñ ukrain telekanallarını yalıñız sputnikte seyir etmek imkânı bar.

XS
SM
MD
LG