NATOnı Ukraina vaziyeti raatsızlay, – dep ayttı cuma künü, mart 6-da, alyansnıñ baş kâtibi Jens Stoltenberg. Radio Svoboda bildire ki, bunı Stoltenberg Helsinkide Finlândiya baş naziri Aleksandar Stubb ile beraber keçirgen matbuat konferentsiyasında haber etti.
«Bizlerni Ukraina vaziyeti raatsızlay ve şimdi diger Rusiyeni körgenimiz pek müimdir», – dedi o.
Jens Stoltenberg qayd etti ki, bir çoq yıl devamında NATO Rusiye ile işbirlikni inkişaf ettirmege tırışqan edi.
«Ve biz bunı yapmağa devam etemiz. Lâkin Rusiye ile iş ve konstruktiv munasebetler olması içün o qomşularnı ve olarnıñ sıñırlarını ürmet etmek kerek. Eminmiz, mudafaa quvetleştirilmesi ve dialog arasında qarşılıq yoq», – dep qayd etti Stoltenberg.
Cuma künü, mart 6-dp, terrorizm ile küreş tedbirleriniñ matbuat merkezinde Ukraina şarqındaki cenk uruşları alanında separatistler tarafından ücüm etilecegini red etmeyler.
Fevral 12-de tizilgen Minsk añlaşmalarınıñ iç bir noqtası tolusınen yerine ketirilmey. Ukraina tarafı separatistlerni ateş toqtatuv rejiminiñ bozulmasında qabaatlay, boyevikler ise ukrain askerlerini qabaatlaylar. Ağır silâ çekilmekte. Esirlerniñ «episini episine» formatında almaşuvı daa olmadı.
