Qırım prokurorı Natalya Poklonskaya Qırım Devlet şurasınıñ reisi Vladimir Konstantinov içün Qırım qadınınıñ sıfatını ifadelegen bir sıma oldı. Bunı o, cuma künü, mart 6-da, Aqmescitte Halqara qadın-qızlar kününe bağışlanğan tantanalı toplaşuvdan soñ ayttı.
«Natalya Poklonskayanıñ sıfatı Qırım qadınınıñ sıfatı oldı, bunıñ kibi qadınlarımız çoq, olarnıñ Qırım tabiatını saqlap qalacağına, inkişaf ettirecegine ve bala ve torunlarına bereceklerine inana ve ümüt etemiz», – dedi o.
RİA Novosti bildire ki, tantanalı toplaşuvda Qırım yolbaşçısı Sergey Aksenov Poklonskayağa fahriy yarlıq berip, «vazifelerniñ becerilmesi ve yüksek seviyeli iş içün» nişanı ile taqdirledi.
