Link açıqlığı

Aqmescit SİZOsında bulunğan Euromaydan faali Aleksandr Kostenko devamlı horlav ve qorqutuvlar aqqında bildirdi. Bunı çarşenbe künü, mart 4-te, İnsan aqları Qırım alan missiyası bildirdi. Kostenkonıñ açıq mektübinde aytıla ki, ondan Euromaydan iştirakçileri aqqında malümat bermesini talap eteler.

Missiyanıñ malümatına köre, yaqalanğannıñ adliyecisi Dmitriy Sotnikov SİZO memuriyetinden taqiqat keçirilmesini talap etti.

«Kostenkonı SİZOğa qıynap ketirgen olsalar, onı mında bile kötekleyler», – aytıla adliyeciniñ beyanatında.

Olga Skripnik
Olga Skripnik

İnsan aqları Qırım alan missiyasınıñ reis muavini Olga Skripnik qayd etti ki, Aleksandr Kostenkonıñ işi «siyasetnen bağlı». Onıñ aytqanına köre, Rusiye Federatsiyasınıñ taqiqat komiteti tarafından Kiyevde olıp keçken vaqialar sebebinden cinaiy işniñ açılması cinaiy aq qanunlarınıñ esaslarını bozmaqta.

«Onıñ qıynavlar aqqında aytqanlarını tafsilâtlıca taqiq etmek kerek. Bu faktlar isbatlansa, alâqası olğanlarnı mesüliyetke çekmeli. Kostenkonıñ işi boyunca adalet obyektiv olmalı ve cinaiy aq esaslarına uymalı», – aytıla İnsan aqları Qırım alan missiyasınıñ beyanatında.

Uquq qorçalayıcılar Aleksandr Kostenkonı qıynavlardan qoruycaq şaraitler yaratılmasını talap eteler.

Yaqalanğannıñ babası ile bağ yoq

Yaqalanğan ve Aqmescit SİZOsında bulunğan Euromaydan faali Aleksandr Kostenkonıñ babası bağğa çıqmay.​

Александр Костенко
Александр Костенко

​Bunı İnsan aqları Qırım alan missiyası bildire.

«O, Kiyevde matbuat vastalarına izaatlar berip, Qırımğa qaytmaq kerek edi. Al-azırda soy-sopları onıñnen bağlanıp olamaylar, ve Aleksandr Kostenkoğa basqı yapmaq içün babasını esir ala bileler, der qorqalar», – dedi adliyeci Dmitriy Sotnikov.

İnsan aqları Kırım alan missiyasınıñ malümatına köre, Aleksandr Kostenkonıñ babası Kiyevde edi. Lâkin ekinci oğlu Yevgeniy telefon etip, FSB (Federal havfsızlıq hızmeti) hadimleri olarnıñ Aqmescit dairesinde kene tintüv keçirgenlerini bildirgen soñ, o, birden Qırımğa qaytmağa mecbur oldı.

Çarşenbe künü, mart 4-te, o, Yevgeniyge Qırımğa yol alğanını bildirdi ve bundan soñ onıñnen bağ yoq.

Malüm olğanı kibi, Qırım Euvromaydanınıñ faali Aleksandr Kostenko Qırımda fevral 8-de yaqalanğan edi. Onı Rusiye Cinaiy kodeksi 115-inci maddesiniñ 2-nci qısmı «b» noqtasınıñ cinayetinde («siyasiy, milliy ve diniy nefret ya da dava sebebinden sağlıqqa ketirilgen zarar») qabaatlaylar.

XS
SM
MD
LG