Link açıqlığı

Saatnıñ esas haberi

Bariyev: yarımadağa qaytacaq qırımtatar uquq qoruyıcıları yaqalana bile


Eskender Bariyev
Eskender Bariyev

Yanvar ayında Qırım tışından qıtaiy Ukrainağa çıqqan qırımtatar halqınıñ aq-uquqlarını qorçalav komitetiniñ üç azası – Eskender Bariyev, Sinaver Kadırov ve Abmecit Suleymanov yarımadağa qaytıp, yaqalanmaqtan qorqalar.

Bunı Qırım.Aqiqatqa Eskender Bariyev bildirdi.

«Al-azırda evel planlaştırılğan işimiz soñuna yetmedi. Endi eki variant bar: ya vatanğa qaytamız, anda ise yaqalavnıñ olması mümkün, ya Vatanımız ve halqımız içün Qırım tışında işlemege devam etemiz. Müimini saylaymız», – dedi o.

Yanvarde, qırımtatar halqınıñ aq-uquqlarını qorçalav komitetiniñ üç azası – Eskender Bariyev, Sinaver Kadırov ve Abmecit Suleymanov yarımada tışına çıqtılar. Çıqışta Sinaver Kadırov mahkeme qararı ile Qırımdan sürgün etildi.

Qırım prokurorı Natalya Poklonskaya Komitet idarecilerine nisbeten cinaiy taqip ile bağlı malümat taqiqat organlarına yollanılğanını bildirgen edi. Olarnı Rusiye Federatsiyasınıñ topraq bütünlginiñ bozulmasına yönelgen areket etilmesinde qabaatlaylar.

Cumaaqşamı künü, mart 5-de, Eskender Bariyev Qırımda Komitet faalleriniñ taqibi başlanğanını bildirdi, olarnı Federal Havfsızlıq Hızmetine sorğularğa celp eteler.

XS
SM
MD
LG