Link açıqlığı

Matbuat vastalarınıñ azatlıq sualleri boyunca OSCE temsilcisi Dunja Mijatović cumaaqşamı, mart 5-de, Qırımda serbest matbuat vastaları ile vaziyetniñ kerginleşmesi aqqında bildirdi. Bu aqta OSCE resmiy saytında aytıla.

«Qırımda serbest matbuat vastalarınıñ soñsuz yoq etilüvi ve mustaqil ve tenqidiy seslerniñ dağıtuvı qasevet doğurtqan telâşlı bir aldır», – dedi Mijatović.

«Aqiqat – buhran zamanlarınıñ ilk qurbanıdır, Qırımda da, şu cümleden. Mesüliyetli insanlarnı matbuat vastalarında tsenzuranı toqtatmağa ve jurnalistlerniñ havfsızlığını temin etmege çağıram», – dey Mijatović

Matbuat vastalarınıñ azatlıq sualleri boyunca OSCE temsilcisi Dunja Mijatović mustaqil jurnalist ve matbuat vastalarınıñ halq imayesi ve yerli politsiya hadimleri tarafından qorquzuvı boyunca qasevetini bildirdi.

Onıñ sözlerine köre, Qırımda soñ 12 ay devamında ukrain kanallarını söndürip, Rusiye Federatsiyasınıñ kanallarına deñiştirdiler. Eñ azından 13 mustaqil matbuat vastalarınıñ jurnalistleri, mustaqil jurnalistler, blogerler taqip etile, kirişleri yasaqlana, olarnı sorğuğa çeke ve hırsızlay ediler. Qırımtatar matbuat vastaları tsenzurağa oğray, hadimleri qapala edi.

Evel bildirilgeni kibi, «Freedom House» uquq qoruyıcı teşkilâtı Qırım yarımadasında insan aqlarınıñ bozuluvı boyunca yañı maruzanı aşkâr etti. Vesiqada Qırımda muhalifetniñ taqibi ve regionnı «informatsion getto»ğa çevirmek içün yapılğan ıntıluvlar aqqında aytıla.

XS
SM
MD
LG