Qırımda idare etken strukturalar ve «imaye küçleri»niñ bölükleri yarımadadan ukrain ordunı quvıp, sakinlerni tış dünyadan kesip attılar, – dep bildirdi Rusiye tarafından işğal etilgen Qırımda insan aqlarınıñ bozuluvı boyunca maruza müellifi, mustaqil Qırım jurnalisti ve uquq qoruyıcı Andrey Klimenko.
Qoşma Ştatlarnıñ Atlantik şurasınıñ taqiqat merkezi ve «Freedom House» uquq qoruyıcı teşkilâtı tarafından aşkâr etilgen vesiqada Qırımnıñ işğali insan aqlarınıñ bir sıra bozuluvlarına yol bergeni aqqında aytıla.
«Kreml içün istenmez Qırım sakinleri beden cebirge, sürgünlik, apiske oğray bile», – qayd etti Andrey Klimenko.
Onıñ sözlerine köre, Qırımda qavmiy ve diniy azlıqlarnıñ vekilleri, mustaqil matbuat vastaları taqip etile, Ukraina mülkiyetiniñ mecburiy milliyleştirüvi keçirile.
Evel bildirilgeni kibi, «Freedom House» uquq qoruyıcı teşkilâtı Qırım yarımadasında insan aqlarınıñ bozuluvı boyunca yañı maruzanı aşkâr etti. Vesiqada Qırımda muhalifetniñ taqibi ve regionnı «informatsion getto»ğa çevirmek içün yapılğan ıntıluvlar aqqında aytıla.
