Link açıqlığı

«Haytarma» filminiñ rejissörı qızına «Qırım güzeli» yarışında iştirak etmege ruhset berdi


Nazlı Seytablayeva

Qırımtatarlarnıñ sürgünligi aqqında «Haytarma» filmini çıqarğan qırımtatar rejissörı Ahtem Seytablayevniñ qızı «Qırım güzeli 2015» milliy güzellik ve medeniyet yarışında iştirak etmesine babasınıñ razılığını aldı.

Bunı Qırım.Aqiqat mühbirine rejissörniñ qızı Nazlı Seytablayeva bildirdi.

«Babam kinorejissör – icadiy insan – aqiqaten kastingni keçkenim, ya da kastingge barğanım aqqında soñuna qadar bilmey edi… Munasebeti müsbettir, çünki menim bunı begengenimni bile, maña qol tuta, nasiat bere… Tabiiy ki, qızına – bunı kiyme, bunı yapma, dedi… çıplaq çıqışlar olmaycağını alğışladı, qol tuttı», – dedi Nazlı.

Yarış mart 9 künü keçirilecek ve şimdi faal azırlıq ketişatı ketmekte. Bu sene yarışta 11 millet vekili iştirak etecek. 24 qızdan beşi – qırımtatarıdır. Nazlı tamır qırımtatar halqınıñ medeniyetini taqdim etecek.

«Belli modelyer-dizayner Mayre Lümanova tikken milliy anterde olacam», – dedi qız.

Diger iştirakçiler de milliy urbalarnı kiyecek ola, seyirci ve jüri azalarını tuvğan tillerinde qarşılaycaqlar, kelin anterlerinde çıqışlar olacaq ve ilâhre. Yarışta milliy yemeklerniñ sergisi keçirilecektir.

«Qırım efsaneleri» milliy adetlerniñ sanalaştıruv yarışı – programmanıñ esas qısımlarından biri. «Keçken sene efsane erılğan pıtağı ile bağlı edi, bu sene suv mezvusı olacaq. Sanalaştıruvnıñ sırını açmacam. Bizge «Qırım» ansamblniñ istidatlı ocası Nazire hanım yardım ete», – terif ete Nazlı Seytablayeva.

O şunı da qayd etti ki, bu yalıñız güzeller yarışı degil de, sanada oynamağa kerek, şunıñ içün işitarkçi oña endi olğan kino tecribesi yardım etecegine ümüt besley.

XS
SM
MD
LG