Link açıqlığı

Saatnıñ esas haberi

Bariyev: Qırımtatarlarnıñ aq-uquqlarını qorçalav komitetiniñ faallerini taqip eteler


Qırımda Qırımtatar halqınıñ aq-uquqlarını qorçalav komitetiniñ faallerini taqip etmege başladılar.

Bunı Komitet reisi, Qırımtatar Milliy Meclis azası Eskender Bariyev bildirdi.

Onıñ malümatına köre, Mustafa Çauşev, Kurtseit Abdullayev, Gülnara Seytumerova, Reşat Artmambetov ve Kamil Kadırovnı sorğuğa çektiler.

«Olarğa köre, siz insan aqları aqqında aytsañız, şu cümleden Rusiye Federatsiyası qabul etken halqara vesiqalar ve Rusiye Anayasasından, «separatist», «ekstremist», «agent» ve il. olasıñız. Lâkin zelenkanı sepken, barışıq toplaşuvda qavğa çıqarmağa tırışqan ve qapalı binada tedbir keçirilmesine keder etken qaidelerni bozğan ve provokatsiyalarnı yapqan adamlarğa qoltutalar», – dep yazdı Bariyev Facebookta

Qırımda tintüv, insanlarnıñ ğayıp olması, apis cezaları ve yaqalavlar artqanından sebep 2014 senesiniñ soñunda Qırımtatar halqınıñ aq-uquqlarını qorçalav komiteti meydanğa ketirildi.

XS
SM
MD
LG