Rusiyeli Vladimir Kuparinen Finlândiya parlamenti yanında açlıqqa başlap, Rusiyede apiste bulunğan ukrain uçucısı Nadejda Savçenkonı azat etmege talap ete.
Bunı çarşenbe künü Yle fin telekompaniyası bildirdi. Onıñ malümatına köre, Moskvalı Kuparin eki yıl evelsi Rusiyede biznesini toqtatıp, Finlândiyağa köçip kelgen edi.
Vladimir Kuparinen bazarertesi kününden itibaren açlıq tuta ve aktsiyanı 30 kün devamında keçirmege planlaştıra. Onıñ maqsadı – fin vatandaşları ve deputatlarınıñ diqqatını Nadejda Savçenkonıñ vaziyetine celp etmek, em de Finlândiyanı Rusiyege Donbassta zıddiyet toqtatması içün basqı yapmağa zorlamaqtır.
Kuparinenniñ fikirince, finler Rusiyeniñ imperiya istilâsınen küreşmek kerekler.
