Link açıqlığı

Cumaertesi künü, mart 7-de, Lvivde «1917-1920 seneleri Qırımdaki ukrain milliy areketi» mevzulı açıq lektsiya ötkerilecek. Lektsiyanı Qırım tarihçısı Andrey İvanets oquycaq.

Tedbir OO «Ukrain evi» Qırımnıñ iş ve medeniyet işbirligi merkezi», OO «Mecburen köçip kelgenlerniñ birligi» ve Birinci Lviv Mediatekasınıñ yardımı ile keçirile.

Teşkilâtçılarnıñ qayd etkenine köre, bu ğaye çoqtan peyda olğan edi, çünki qıtaiy Ukrainanıñ sakinleri işğalge oğrağan Qırım, onıñ tarihı ve onıñ inkişafına ukrainlilerniñ qoşqan issesi aqqında bilmek kerekler.

Teşkilâtçılar Qırımnıñ cenkten soñ devri, yarımadanıñ ğayrıdan tiklenmesine ukrainlilerniñ qoşqan issesi, Qırımnıñ mustaqil Ukraina terkibinde 23 yıl devamında yaşaması ve şimdiki yaşayışına dair bir sıra lektsiyalarnı keçirmege planlaştıralar.

Lektsiya cumaertesi künü yerli saatke köre saat 16:00 Birinci Lviv Mediatekasında başlanacaq.

XS
SM
MD
LG