Link açıqlığı

Ukraina prezidentiniñ qırımtatarlarnıñ işlerinden vekâletlisi Mustafa Cemilev Brüsselde Şimaliy atlantik Alyans memleketleriniñ temsilciler toplaşuvında çıqışta bulunacaq. Bunı deputatnıñ matbuat hızmeti Qırım.Aqiqat neşirine bildirdi.

Matbuat hızmetiniñ bildirgenine köre, muşavere mart 17-de NATO baş kâtibi Jens Stoltenbergniñ yolbaşçılığında keçirilecek. Toplaşuvda Qırım meselesi, işğal yıllığınıñ muzakere etilmesi beklenile.

Mustafa Cemilev Ukraina Tışqı işler nazirliginiñ işbu tedbirde Qırım temsilcisi olaraq iştirak etmek ricasına seslendi. O, toplaşuv iştirakçilerine Qırım yarımadasında ükümsürgen vaziyet aqqında tarif etecek. Deputat mart 16-da Brüsselge kelmek kerek. Anda da qırımtatar diasporasınıñ vekilleri ile körüşecek.

XS
SM
MD
LG