Qırımdan Odessağa yollanılğan eki ukrain arbiyi mart 2-de Mariupol (M sektorı) civarındaki uruşlarda elâk oldı. Bu aqqında Ukraina Silâlı Quvetleri Arbiy-Deñiz Quvetleriniñ haberinde aytıla.
Vedalaşuv tedbiri mart 4-te Odessada olıp keçti. Ukraina Silâlı quvetleri deñiz quvetleriniñ arbiyi miçman Oleg Storojenko ve yüksek serjant Aleksandr Strelük Ukrainanıñ mustaqilligi ve topraq bütünligi boyunca mahsus vazifeni yerine ketirgende terrorizmge qarşı tedbirler alanında elâk oldılar.
Ukraina Silâlı Quvetleri Arbiy-Deñiz quvetleri yerleştirgen fotoresimlerge köre, Odessa sakinleri elâk olğan arbiyler ögünde tiz çökip vedalaştılar.
Arbiy-Deñiz quvetleriniñ Qırım.Aqiqatqa bergen malümatına köre, elâk olğanlar Aqyarda mahsus bölükte askerlik yapqan ediler, Qırım işğalinden soñ ise Odessağa avuştılar.
2013-2014 seneleri Storojenko ve Strelüv Avropa Birliginiñ «Atalanta» ve NATOnıñ «Okeanskiy şçit» tedbirlerinde iştirak etken ediler.
Elâk olğanlarnı Kirovograd ve Herson vilâyetlerinde defin etecekler.
