Link açıqlığı

Saatnıñ esas haberi

Aqyarda belgisiz şahıslar Boris Nemtsovnı añdılar


Aqyarda belgisiz şahıslar atıp öldürilgen Rusiye muhalifetçisi Boris Nemtsovnı añdılar. Bunı Facebook içtimaiy ağında yerleştirilgen fotoresimler tasdıqlay.

Aqyarnıñ merkeziy soqaqlarından birinde, Oçakovtsev durağı rayonında, belgisiz şahıslar Boris Nemtsovnıñ fotosüretini skemlege qoyıp, yanında çeçeklerni qaldırdılar. Şaatlarnıñ aytqanına köre, aynı o künü fotosüretni diger belgisiz şahıslar alıp taşladılar.

Rusiye muhalifetiniñ liderlerinden biri Boris Nemtsov fevral 27-de aqşam Moskvanıñ merkezinde Kremlden 200 metrlik mesafede atıp öldürildi.

Öldürilgen Rusiye muhalifetçisi Boris Nemtsovnı Troyekurovskoye mezarlığında defin ettiler. Salı künü, mart 3-te, bir qaç saat sürgen vedalaşuv merasimine biñlernen adam siyasetçinen vedalaşmağa keldi.

Merasim bitken soñ adamlar «Rusiye serbest olacaq!», dep qıçırmağa başladılar.

Şimdilik taqiqatnıñ neticeleri aqqında bir de bir malümat yoq. Taqiqatçılar öldürüvniñ bir qaç versiyanı baqmaqtalar: siyasiy provokatsiya, ekstremistlerniñ intiqamı, «ukrain izi», şahsiy munasebetler.

XS
SM
MD
LG