Link açıqlığı

Sudaqta «narazılıq meydanlarındaki» inşaatlarnı yıqtılar


Sudaqta 111 gektarlıq «narazılıq meydanlarında» inşaatlar yıqtırıldı, – dep bildirdi çarşenbe künü, mart 4-te, Sudaq şeeriniñ memuriyet yolbaşçısı Vladimir Serov Qırım yolbaşçısı Sergey Aksenovnıñ şeer ziyareti vaqtında.

Vladimir Serovnınh aytqanına köre, topraqnıñ 80%-ı «narazılıq meydanlarınıñ» iştirakçileri tarafından boşatıldı.

«Böyle etip Sergey Aksenov akimiyetke qoltutqan qırımlılarğa teşekkür bildirip, olarğa topraq damartılarınıñ berilecegini kefil etti», – dep haber ete Qırım ükümetiniñ matbuat hızmeti.

Aksenov Sudaqta suvnı temizleycek tertibat qurulacaq meydan ve yol tamirini baqtı.

«Yanında çöplük obası bar, bütün çöplükni yel kötere. Mence, akimiyet bu meseleni çezmeli: aprel ayında temizlik yapıp, kurort mevsimine azırlıq körmek kerek», – dedi Aksenov.

O, Qoz (Solneçnaya Dolina) orta umumtasil mektebiniñ azbar rekonstruktsiyasını teşkerip, er şey yolunda olğanını qayd etti. Aksenovnıñ bildirgenine köre, Sudaqta cumhuriyet bücetiniñ 27 mln. rublesi vaqtında qullanıldı.

XS
SM
MD
LG