Link açıqlığı

Ukraina arbiy hızmetçisi ve Yuqarı Şurasınıñ deputatı Nadejda Savçenkonı Moskvanıñ Basman mahkemesine ketirdiler. Mahkeme Nadejda Savçenkonıñ onı Avropa Şurası Parlament assambleya toplaşuvına yollamağan taqiqatqa qarşı itirazını baqacaq.

İmayeniñ fikrine köre, PACE vekili statusı qabaatlanğan şahısqa diplomatik imunitetni ve toplaşuğa barmağa aqnı bere. Adliyeciler şunı deyler ki, Avropa Şurasınıñ iç bir memleket azası buña qarşı çıqamaz.

Rusiyede Nadejda Savçenkonı Donbassta elâk olğan Rusiye jurnalistleriniñ ölümine alâqası olğanında qabaatlaylar. İyünniñ soñunda separatistler onı esir alıp, Rusiye arbiylerine teslim ettiler. Bundan soñra Savçenkonı Rusiyede apiske aldılar. İmayeniñ malümatına köre, onıñ jurnalistlerniñ ölümine alâqası yoq, çünki o, esarette edi. Savçenko bütün qabaatlarnı red ete. Seksen künden ziyade narazılıq açlığını tuta.

Adliyeci Mark Feygin twitterde yazğanı kibi, Nadejda Savçenko «özüni pek yaramay duysa, açlığını toqtatmağa» söz bergen eken.

XS
SM
MD
LG