Çarşenbe künü, mart 4-de, Aqmescitte trolleybuslar marşrutlarğa çıqmadılar, «Krımtrolleybus» hadimleri grev ilân ettiler.
Sebebi – aylıqnıñ berilmemesi, dep añlattı akimiyet tarafdarı olğan Krıminform neşirine Qırım naqliyat naziri Anatoliy Tsurkin.
«Qırım maliye naziri vaqtında paranı şirket esabatına yollamağanından kerginlik yüz berdi», – dedi Tsurkin.
Nazir şunı da qayd etti ki, al-azırda aydavcılarğa kün devamında aylıqları ödenilecegi aqta söz berildi. Yaqın zamanda trolleybuslar marşrutlarğa çıqar.
GUP RK «Krımtrolleybus» yolbaşçılığı izaat bermey.
