Link açıqlığı

Avropa birliginiñ tış işler boyunca yuqarı temsilcisi Federica Mogherini Jenevada insan aqları boyunca BMT Şurasınıñ 28-nci sessiyasında çıqışta bulunıp, halqara toplulığını qırımtatar halqınıñ aqları bozuluvına diqqat etmege çağırdı. Bunı salı künü mart 3-de İnterfaks bildire.

«Qaçaqlar işleri boyunca BMT Yuqarı komissarınıñ İdaresi tarafından qayd etilgen bozuluvlarğa diqqat etmelimiz, şu cümleden qırımtatarlarnıñ taqibi ve qorquzuvı, matbuat vastalarınıñ serbestliginiñ sıñırlavı ve ilâhre», – dedi o.

«Halqara uquq qoruyıcılarında Ukrainanıñ bütün territoriyasına irişim olamalı, şu cümleden Qırım ve Aqyar da», – dep qoştı Mogherini.

Bildirilgeni kibi, Rusiye Federatsiyasınıñ tış işler nazirliginde Ukrainada insan aqları boyunca BMT nezaret eyeytiniñ arizasında olğan malümatnı yañlış olaraq tanıdılar. Rusiye Tış işler nazirliginiñ fikrine köre, Rusiye tarafından işğal etilgen Qırım Ukrainada BMT eyeyyetiniñ mandatına kirmey eken.

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG