Link açıqlığı

Qırımdan kene ukrain mobil operatorlarına telefon etmek mümkün. Salı künü, mart 3-de, Qırım.Aqiqat mühbiri aytqanı kibi, telefon nomeraları aynı şekilde yazıla: mobil operatorınıñ kodu ve telefon nomerası.

Ukraina şeerlerine telefon etmege alâ daa imkânsız.

«Bağ üzülgen. Birazdan telefon etiñiz», – degen cevap kele.

Qırımlılar ev telefondarından yalıñız Rusiyege telefon aça bileler. Evel qırımlılar em Rusiye, em Ukraina ile telefon bağı yoq olğanına rastkele edi. Birazdan Rusiye şeerleri ile telefon bağı tiklendi, ukrain müşterileri ile bağ öyle de yoq edi. Yarımada sakinleri qıtaiy Ukrainada yaşağan soy-soplarından ayırılığanına şikâyet ete ediler.

Fevral 10 künü Qırımda «Ukrtelekom» ukrain operatorınıñ bağı yoq odı. Qırım akimiyeti buña alâqası olmağanını bildirdi. Yarımadada «Ukrtelekom»nıñ eki bölügi çalışa edi: biri Aqyarda, digeri – Aqmescitte. «Ukrtelekom»nıñ Qırım bölügi Qırım qullanıcılarınıñ 80% hızmet ete edi. Şirketniñ saibi – Rinat Ahmetov.

İşğal etilgen Qırımnıñ Devlet Şurası fevral 11 künü «Ukrtelekom» Qırım filialınıñ «milliyleştirüvine» qol tuttı. Qırımnıñ baş nazir muavini Dmitriy Polonskiy aytqanı kibi, milliyleştirilgen «Ukrtelekom»nı endi «Krımtelekom» idare etecek.

XS
SM
MD
LG