Link açıqlığı

Saatnıñ esas haberi

Ukraina prezidenti Nemtsovnı Azatlıq nişanı ile taqdirledi


Ukraina prezidenti Petro Poroşenko öldürilgen Rusiye muhalifet siyasetçisi Boris Nemtsovnı Azatlıq nişanı ile taqdirledi, dep bildire devlet yolbaşçısınıñ matbuat hızmeti.

«Bizim, ukrainler içün, Böris er daim Rusiye vatanperveri ve Ukraina dostu olacaq. O, kendi ömrü ile bunı birleştirmek mümkün olğanını isbatladı – yalıñız istek olmaq kerek», – dedi Poroşenko.

Onıñ aytqanına köre, Nemtsov Ukraina ve Rusiyeniñ serbestligi oğrunda küreşti, çünki serbest Ukrainasız serbest Rusiye olmaycağını añlağan edi.

«Bizim ve siziñ serbestligiñiz içün» – Boris Nemtsovnıñ ömür devizi olğan tarihiy şiardır. Şunıñ içün men onı Azatlıq nişanı ile taqdirlemege qarar aldım», – dedi Poroşenko.

Rusiye muhalifetiniñ liderlerinden biri Boris Nemtsov fevral 27-de aqşam Moskvanıñ merkezinde Kremlniñ yanında atıp öldürildi.

Nemtsovnı Moskvada mart 3-te Troyekurovskoye mezarlığında defin etecekler. Moskvada salı künü yerli saatke köre saat 16-ğa qadar matem tedbiri keçirilmekte.

XS
SM
MD
LG