Link açıqlığı

Saatnıñ esas haberi

Almaniya ükümeti Ukrainada köçip kelgenlerge 2 million yevro miqdarında maliyeviy yardımnı ayırdı


Almaniya ükümeti Ukrainada köçip kelgenlerge 2 million yevro miqdarında maliyeviy yardımnı ayırdı. Elde etici – «Karitas» halqara hayriye teşkilâtınıñ ukrain temsilciligi, dep bildirdi temsilciliginiñ başı Andrey Vaskoviç.

«Böyle destek ile köçip kelgen 23 biñ insanğa yardım ete bilemiz, çeşit içtimaiy hızmet, yemek, urba, diger ihtiyacalar içün maliye destekni bere bilemiz. Tibbiy ihtiyac ve ruhiy ceetten yardım etmelimiz», – dedi Vaskoviç.

Almaniya ükümeti tarafından desteklengen leyha Ukrainada ziddiyet neticesinde zarar körgenlerniñ esas ihtiyaclarını temin etmek kerektir. Proekt 2015 senesiniñ soñuna qadar sürecek, dedi Vaskoviç.

Keçken sene yaz aylarından «Karitas» ukrain temsilciligi bir 50 biñ köçip kelgenlerge yardım etti, dedi Vaskoviç.

BMT malümatına köre, Ukrainada köçip kelgenlerniñ sayısı milliondan ziyade oldı.

XS
SM
MD
LG