Link açıqlığı

Saatnıñ esas haberi

Devlet şurasınıñ spiker muavini qırımtatarlarnıñ aprel ayında Qurultayğa toplaşacaqlarına ümüt ete


Remzi İlyasov
Remzi İlyasov

Qırımtatar Milliy Meclisinde azalığı toqtatılğan Qırım Devlet şurasınıñ spiker muavini Remzi İlyasov bildire ki, martnıñ ekinci yarısında «Qırım» fraktsiyasınıñ meydanğa ketirilmesi ve Qırımtatar Milliy Qurultayınıñ ötkerilmesi muzakere etilecek.

Bunı o, Krıminform saytına ayttı.

«Mence, bizler mart 20-den soñ bu meselede bir qararğa kelip, bir sıra meselelerniñ al etilmesi içün bu sene aprel ayında nevbetteki sessiya keçirilmesi (Qurultay – muar.) aqqında añlaşırmız», – dedi İlyasov.

Onıñ bildirgenine köre, yüz delegat buña qoltuta.

İlyasovnıñ aytqanına köre, fraktsiyanıñ meydanğa ketirilmesi «Qırım» qırımtatar halqınıñ cemaat areketiniñ eñ yaqın konferentsiyasında ilân etilecek.

«Qırım» areketi esas maqsadlarından biri olaraq «qanun çıqarıcı ve icra akimiyetniñ federal ve cumhuriyet organları, yerli idare organları, siyasiy firqalar, qırımtatar halqınıñ aq-uquqlarını qorçalav meselelerinen oğraşqan cemaat birleşmeleri, em de qırımtatarlar içün aktual problemlerniñ al etilmesini» aytqan edi.

Remzi İlyasov ve onıñ ortaqları yolbaşçılığında areketniñ teşebbüsçileri Qırımtatar Milliy Meclisine qarşı çıqmağanlarını qayd etken ediler.

XS
SM
MD
LG