Link açıqlığı

Qırımtatar Milliy Meclis azası İlmi Ümerov Qırım Devlet şurasınıñ spiker muavini Remzi İlyasovnıñ aprelniñ ekinci yarısında «qasevetlendirgen meselelerniñ al etilmesi içün» Qurultayğa toplaşmağa azır olğan yüz delegat aqqında aytqanlarını olmaycaq bir şey dep adladı.

«Mecliste çoqluq olmadı, şimdi Qurultay delegatları arasında 100 tarafdar aqqında olmaycaq laf... Soñra ne olacaq? O qadar satqınımız yoq, yoq – bunı añlañız artıq!!!!!!», – dep yazdı Ümerov Facebook saifesinde İlyasovnıñ «Qırım» areketine muracaat etip.

Remzi İlyasov Krıminform saytına bildirdi ki, mart ayınıñ ekinci yarısında «Qırım» fraktsiyasınıñ meydanğa ketirilmesi ve Qırımtatar Milliy Qurultayınıñ ötkerilmesi muzakere etilecek. Onıñ bildirgenine köre, yüz delegat milliy Qurultayğa toplaşmağa azır.

Mecliste aza vekâletleri vaqtınca toqtatılğan İlyasov yaqın vaqıtta qırımtatar halqınıñ temsil organı toplaşıp, Qurultay sanını belgileycek, dep aytqan edi.

Qırımtatar Milliy Meclisiniñ reisi Refat Çubarov dedi ki, Meclis azaları ve Qurultay delegatları «basqığa oğraylar, olarnı Meclis toplaşuvını ötkerip, qırımtatarlarnıñ temsil organınıñ reberligini deñiştirmek qararını qabul etmege mecbur etecek olalar».

«İşğalciler beklegen «qararlar» arasında, – Remzi İlyasovnıñ Meclis reisi vazifesine «tayinlenmesi», em de halqara toplulıqqa «Rusiyeniñ Qırımda tanılması» aqqında muracaatnıñ qabul etilmesi», – dedi Çubarov.

Onıñ bildirgenine köre, Qurultaynıñ nizamnamesine binaen, Meclis erkânınıñ deñişmesi ve yañı reberliginiñ saylanması 248 delegattan ibaret olğan Qırımtatar Milliy Qurultayında çezilmeli.

XS
SM
MD
LG