Salı künü, mart 3-te, «Canköy» kiriş noqtası tehnik sebeplerden qapalı olacaq.
Bunı Qırım gümrükhanesiniñ matbuat hızmeti bildire.
Hızmetniñ malümatına köre, tehnik işler yerli saatke köre saat 10-dan saat 18-ge qadar keçirilecek. Böylece adamlarnıñ ve naqliyat vastalarnıñ kiriş noqtasından keçmek imkânı olmaylacaq.
Böyle etip gümrükhane cedvelge köre çalışmağa devam etken «Ermeni Bazar» ve «Or Qapı» kiriş noqtalarından faydalanmağa tevsiye etti.
2014 senesi mart ayında Rusiye Qırımnı işğal etken soñ qıtaiy Ukraina ve yarımada arasında memuriy sıñır peyda oldı, asılında ise o tam bir sıñır oldı. Qırım vaqtınca işğal etilgen topraq olaraq ilân etildi.
